Նայմեխենի «Միացեալ Հայերը Հոլանտա»-ի մէջ կազմակերպութեան սրահը, այս անգամ լեցուած էր հայաստանեան գոյներով:
Մայրենիի միջազգային օրը նշելու համար կիրակնօրեայ հայկական դպրոցի սաները, որպէս թեմա  ընտրած էին պատմական Հայաստանի տարածաշրջաններու խօսակցական լեզուն` բարբառները:

Ինչպէս «Հայերն այսօր»-ին կը յայտնեն «Նիտերլանտական օրագիր»-էն, այս անգամ սաները ներկայացուցին Արցախի, Երեւանի եւ Սասնայ խօսակցական լեզուն, այդ տարածաշրջաններու ժողովուրդի կենցաղն ու առօրեան, հագ ու կապը ��? սկսած տարազներէն մինչեւ ազգային երգն ու պարը, աւանդական ուտեստներու մասին պատմութիւնները:

«Վան» դպրոցի սաներու ներկայացուցած գեղեցիկ տարազները Թամարա Պօղոսեան-Ստեփանեանի ձեռքի քրտնաջան աշխատանքի արդիւնքն էին, որուն որպէս ծնող` շատ կը սիրեն  եւ կը յարգեն այստեղ: Ընդհանրապէս մեծ էր ձեռնարկի նկատմամբ հետաքրքրասիրութիւնը :

Ճանաչողական բնոյթի այս ձեռնարկը, որ կը պարունակէր հետաքրքիր տեղեկատուութիւն դէպի հայկական արմատները, ուշադրութեամբ կը հետեւէին թէ ��? երեխաներու ծնողները, եւ թէ հրաւիրուած հիւրերը: Յատկապէս հետաքրքիր էր Արցախին վերաբերող մասը: Ի դէպ` ձեռնարկը կը կրէր «Դուն ինչ կ´ընես Ղարաբաղի համար» կարգախօսը:

Աւարտին ձեռնարկի կազմակերպիչներն ու հիւրերը համտեսեցին իրենց իսկ ուժերով պատրաստած յիշեալ տարածաշրջաններու աւանդական ուտեստները ��? ժենկեալով հաց, հարիսա, տոլմաներու տեսականի, հաճարով փլաւ, Հայաստանէն Հոլանտա հասցուած լաւաշ եւ քաղցրաւենիքներ:

Տօնը’  իրականացուեցաւ, իսկ մասնակիցներն իրենց ծափահարութիւններով լաւագոյնս գնահատեցին «Վան» դպրոցի (տնօրէն Սուետա Աբրահամեան) սաներուն: