Ինչպէս կը հաղորդէ Կիպրահայեր կայքէջը, The Cyprus Mail-ը հաղորդած է, որ 2017 թուականի Մայիս 9-13 Քիեւի մէջ կայանալիք «Եւրոտեսիլ» երգի մրցոյթին Կիպրոսը պիտի ներկայացնէ կիպարահայ տաղանդաւոր եւ սիրուած երգիչ Յովիկ Տէմիրճեանը: Այս մասին պաշտօնապէս յայտարարած է Կիպրոսի հեռահաղորդակցութեան խորհուրդը:

Ան տարիներ շարունակ կը համարուի Կիպրոսի ամենասիրուած երիտասարդ երգիչներէն մէկը: Յովիկ Տէմիրճեան իր ֆէյսպուքեան էջին վրայ գրած է, որ վերջապէս իր աշխատանքը արդիւնք տուաւ, բայց պէտք է գիշեր-ցերեկ  պատրաստուի, որպէսզի լաւագոյն ձեւով հանդէս գայ Քիեւի մէջ: