Նոյեմբեր 14-ի դրութեամբ՝ Հայաստանէն արտահանուած է 133.427 թոն թարմ պտուղ-բանջարեղէն: 2015-ի նոյն ժամանակահատուածին արտահանուած էր 68.002 թոն թարմ պտուղ-բանջարեղէն:

Արտահանման աշխարհագրութիւնը գրեթէ չէ փոխուած: Հայկական թարմ պտուղ-բանջարեղէնը արտահանուած է Ռուսաստանի Դաշնութիւն, Վրաստան, Զուիցերիա, Իրաք, Պելառուսիա, ԱՄԷ, Ղազախստան։ Այս մասին, ըստ Panorama.am-ի, տեղեկացուցած է ԳՆ մամուլի խօսնակ Անի Սմբատեան:

2016-ի Օգոստոս 12-ի դրութեամբ, 2015-ի նոյն ժամանակահատուածին համեմատ, ԵՏՄ անդամ երկիրներ արտահանուած թարմ պտուղ-բանջարեղէնային մթերքներուն արտահանումը աճած է 90%-ով: 2016-ի Օգոստոս 8-ի դրութեամբ՝ հանրապետութենէն արտահանուած է 85.326 թոն պտուղ-բանջարեղէն, մինչդեռ 2015-ի նոյն ժամանակահատուածին՝ արտահանուած էր 49.827 թոն պտուղ-բանջարեղէն: