Օգոստոս 23-ին ՀՀ սփիւռքի նախարար Հրանոյշ Յակոբեան ընդունեց Եւրոպայի Հայ դատի Միջին Արեւելքի պատասխանատու, «Արեւելքի քրիստոնեաներ» կոմիտէի փոխնախագահ Պետիկ Պետրոսեանը:

Հանդիպման Սփիւռքի նախարար Հրանոյշ Յակոբեան կարեւոր համարեց Հայ դատի իրականացուցած աշխատանքները Եւրոպայի, Միջին Արեւելքի եւ Արցախի մէջ:

Զրոյցին ընթացքին քննարկուեցան Արեւելքի մէջ, մասնաւորապէս` Սուրիոյ եւ Իրաքի հայերու, քրիստոնեաներու իրավիճակին, Հայ դատի եւ «Արեւելքի քրիստոնեաներ» կոմիտէին կողմէ անոնց ցուցաբերուած աջակցութեան առնչուող հարցեր:

Պետիկ Պետրոսեան նախարարին հետ զրոյցին նշեց, որ 2014, 2015 թուականներուն այցելած է Լիբանանի, Սուրիոյ եւ Իրաքի մէջ ապաստանած հայ եւ քրիստոնեայ գաղթականներու տուներ, ճամբարներ` իրավիճակին ծանօթանալու եւ անոնց իրական խնդիրները հանրութեան ներկայացնելու:

Հանդիպման ընթացքին մատնանշուեցան համատեղ ծրագիրներու մէջ համագործակցութեան, Սփիւռքի նախարարութեան դերակատարութեանը առնչուող հարցեր:

Հրանոյշ Յակոբեան եւ Պետիկ Պետրոսեան քննարկեցին նաեւ հայկական ինքնութեան, հայապահպանութեան, Սփիւռքի եւ Հայաստանի Հանրապետութան յարաբերութիւններու աշխուժացման եւ ամրապնդման հետ կապուած հարցեր:

Անդրադառնալով Եւրոպայի հայկական համայնքներուն` առաջարկուեցաւ համատեղ ծրագիրներու իրականացմամբ աշխուժացնել Սփիւռքի նախարարութեան եւ Եւրոպայի հայկական համայնքներու միջեւ կապերը:

Քննարկուեցաւ նաեւ Արեւելքի մէջ քրիստոնեաներու իրավիճակին վերաբերող համաժողովի իրականացման հեռանկարները: