Աղեքսանդրիոյ արուեստանոցին մէջ տեղի ունեցաւ անդրանիկ ցուցադրութիւնը «Ով սպաննեց հայերը» ֆիլմին, ֆիլմի հեղինակներ լրագրող Մարիամ Զաքիի եւ բեմադրիչ Մուսհամէտ Հանաֆիի  եւ հոծ բազմութեան ներկայութեամբ:

Ըստ «Հայերն այսօրի»՝ ֆիլմը կը ներկայացնէ Հայոց ցեղասպանութիւնը որ կատարուած է թուրքերու կողմէ, ֆիլմը արժանացած է բազում մրցանակներու` Նիւ Եորքի ֆիլմի փառատօնին, ինչպէս նաեւ Լիբանանի փառատօնին: ֆիլմի բեմադրիչ` Հանաֆին եւ լրագրող Զաքին վերջերս պարգեւատրուած են Հայաստանի նախագահին կողմէ:

Զաքին ֆիլմին մասին ըսած է, որ մարդկութեան հանդէպ պարտաւորուածութիւն զգալով մասնակցած է բեմադրիչ Հանաֆիին ֆիլմի արտադրութեան աշխատանքին, աւելցնելով, որ ֆիլմին մէջ մարմնաւորուած խնդրիը այսօր կը կրկնուի մեր աչքերուն առջեւ արաբական երկիրներուն մէջ:

Ֆիլմի բեմադրիչը նշած է, որ ֆիլմը մեծ յաջողութիւն ունեցած է միջազգային մակարդակով, ան աւելցուցած է, որ աւելի այլանդակ բաներ տեղի ունեցած են, բայց չէին կրնար ներառել ֆիլմին մէջ անհաւատալի պիտի թուէր անկախ անկէ որ պատահած է: