Մեծարգոյ  տիկի´ն  Հրանոյշ  Յակոբեան,

Սրտի ողջ ջերմութեամբ կը շնորհաւորեմ  Ձեզ եւ Ձեզ  նախարարութեան ողջ աշխատակազմը` նախարարութեան հիմնադրման հնգամեակի առիթով: Մեծ է ձեր աւանդը Հայաստան-Սփիւռք  կապերու ամրապնդման, համայն  հայութեան համախմբման ու գործակցութեան  ոլորտին մէջ: Աւանդական սփիւռքի հետ սերտօրէն համագործակցելէ բացի, դուք  կապ կը հաստատէք նորաստեղծ համայնքներուն հետ, նպաստելով  անոնց կայացմանն  ու զարգացմանը: Կը կենսագործէք շարք մը ձեռնարկներ, որոնք կը խթանեն սփիւռքի  մշակութային կեդրոններու, ուսումնական հաստատութիւններու, մշակութային համոյթներու, անհատ արուեստագէտներու մասնագիտական մակարդակի բարձրացման:

Հետեւողական եւ անդուլ  գործունէութեան  շնորհիւ նորանոր մտայղացումներ ու ծրագիրներ կ’իրականացնէք, որոնք կ’օգնեն  սփիւռքահայերուն  զերծ մնալու  ուծացումէ:

  Աձանձնայատուկ  աշխատանք  տանելով  լեզուի  պահպանման եւ կրթութեան ոլորտին մէջ`  համահայկական  կրթական  ծրագիրներու  միջոցով  կը սատարէք սփիւռքի  հայկական հանրակրթական ու մէկօրեայ  դպրոցներու բարգաւաճման, կ’իրականացնէք մայրենիի  մրցոյթներ,  ուսուցիչներու պատրաստման եւ վերապատրաստման դասընթացքներ, «Մայրենիի լաւագոյն ուսուցիչ», «Սփիւռքի լաւագոյն կրթօճախ», լաւագոյն ԶԼՄ, լաւագոյն համայնք մրցանակաբաշխութիւնները, մեծ յաջողութեամբ կը գործէ «Սփիւռք ամառնային դպրոցը»,  կը կազմակերպէք «Հայրենիք, քեզ այդպիսին եմ տեսնում», «Կտոր մը հայրենիք» մրցոյթները,  որոնք  երիտասարդներուն կը  կապեն Հայաստանի հետ :

  Ձեր ծրագիրները  աշխարհի տարբեր  ծագերու մէջ  բնակող հազարաւոր հայ պարման-պարմանուհիներուն ճանաչելի կը  դարձնեն Հայաստան-հայրենիքը, կ’աջակցին  անոնց  հայրենասիրական դաստիարակման, ազգային  ինքնութեան  ու արմատներու ճանաչողութեան հնարաւորութիւններու ընդլայնման, ոգիի հզօրացմանն ու  սեփական ժողովուրդի աւանդոյթներու,  սովորոյթներու իմացութեան:

Որպէս  մի  քանի  ծրագիրներու  մասնակից`  իմ  երախտագիտութեան  խօսքը  կը յղեմ  Ձեզ  այն անմոռաց  եւ  երանելի  օրերուն  համար,  որ պարգեւեցիք ինձ ու ինձ  նման շատ-շատերու՜ն:

Լիայոյս եմ, որ յառաջիկային ալ  կեանքի  կը կոչէք  բազում    նոր նախաձեռնութիւններ:

Ուժ, կարողութիւն  Ձեզ, անսպառ  եռանդ  շնորհակալ  ու  ազգապահպան գործունէութեան  մէջ:

Խորին յարգանքով`

Կարինէ Մանուկեան

Վրաստանի կրթութեան եւ գիտութեան նախարարութեան ազգային  ուսումնական

ծրագիրներու վարչութեան  ոչ վրացալեզու  ուսումնական  նիւթերու  համակարգող