Հայ առաքելական Սուրբ եկեղեցւոյ տօնացոյցով հոկտեմբեր 12-ին նշուեցաւ Սուրբ թարգմանիչ Վարդապետներ Սահակ Պարթեւի,Մեսրոպ Մաշտոցի եւ անոնց աշակերտներու տօնը: Այն հայ ժողովուրդի նուիրական եւ սիրուած ազգային –եկեղեցական տօներէն է:

Թարգմանչաց տօնը յաւուր պատշաճի նշուեցաւ  վիրահայոց թեմէն ներս: Այս տօնին  նուիրուած էր յայտնի դաշնակահար, Թիֆլիսի նախկին բնակիչ, այժմ գերմանիոյ մէջ գործող Մամիկոն Նահապետովի դաշնամուրային երաժշտութեան համերգը, որ տեղի ունեցաւ հոկտեմբեր 11-ին: Իսկ հոկտեմբեր 12-ին Թիֆլիսի Սուրբ Էջմիածին եկեղեցւոյ մէջ, վիրահայոց թեմի առաջնորդ գերաշնորհ տ. Վազգէն եպիսկոպոս Միրզախանեանի հանդիսապետութեամբ, մատուցուեցաւ Սուրբ Պատարագ: Պատարագիչն  էր Սբ. Գէորգ առաջնորդանիստ եկեղեցւոյ լուսարարապետ Տ. Յուսիկ քհն.  Յարութիւնեան: Յատկանշական է, որ ի թիւս բազում հաւատացեալներու, Սբ. պատարագին ներկայ էին «Սբ. Մովսէս Խորենացի» նախակրթարանի աշակերտները եւ «Սբ. Գրիգոր Նարեկացի»  մէկօրեայ վարժարանի սաները: