Մայիս 25-ին, Օքլանտի  Studio One ցուցասրահին մէջ, բացուած է Թամարա Ազիզեանի  «Դպրոց մը անապատի մէջ» խորագիրով` Պաղեստինի դպրոցական երեխաներուն նուիրուած լուսանկարչական ցուցահանդէսը: Այս մասին «Հայերն այսօր»-ին կը տեղեկացնէ Գոհար Պաստասարեան Օքլանտէն:

Դպրոցը կը ներկայանայ որպէս յոյս եւ խոստում երեխաներուն, որոնց հասարակութիւնը կը պայքարի   պահպանելու իրենց ինքնութիւնը այդ տարածաշրջանին մէջ:

Ցուցահանդէսին ներկայ գտնուած են Նոր Զելանտիոյ հայ համայնքի նախագահ պրն. Նուպար Եաղուպեան եւ համայնքի ներկայացուցիչներէն , նաեւ օտար հիւրեր:

Թամարա Ազիզեան ներկայիս կը բնակի Օքլանտ, ան կ’աշխատի Maori  հեռուստաընկերութեան մէջ: Ազիզեան ներգրաւուած է տարբեր անկախ վաւերագրական նախագիծերու, ինչպէս նաեւ կը պատրաստէ իր առաջին կարճամեթրաժ ֆիլմի սենարը: