Ազգային մանկապարտէզը, որ յառաջացած էր չորս ազգային մանկապարտէզներու միացումով, կը պատրաստուի ամավերջի հանդէսին։ Հանդէսի յայտագրի պատրաստութեամբ, մանկապարտէզի տնօրէնութիւնը նախ կը փորձէ պահպանել տարիներու աւանդութիւնը եւ ապա մանուկներու երգերով ու պարերով ներկայացնել մաքառող Հալէպի պատկերը:

Մանկապարտիզպանուհի Թագի Քէհէեան-Տողրամաճեան վստահեցուց, որ. «Պատերազմի պայմաններու յաղթահարումը ամենամեծ դժուարութիւնն էր, իսկ հանդէսի նախապատրաստական աշխատանքներու երկրորդ դժուարութիւնը ժամանակաշրջանի կարճ ըլլալն էր: Տարիներու աւանդութիւնը պահելու եւ մեր փոքրիկները երջանկացնելու համար յանձն առինք այս ձեռնարկի կազմակերպումը »:
Մանկապարտէզի փոքրիկները շեշտեցին. «Կա՛նք, պիտի լինե՛նք ու դեռ շատանա՛նք»։

Յովիկ Շէհիրեան
Հալէպ

Գանձասար