Շաբաթ օրը` Ապրիլ 9-ին, Սփիւռքի 2 աւանդական կուսակցութիւններու Նիւեորքեան կառոյցներու կազմակերպմամբ` ՄԱԿ-ի կեդրոնակայանին առջեւ տեղի ունեցաւ բողոքի ցոյց: Այս մասին կը յայտնէ «Հայերն այսօրը»` յղում կատարելով «Ամերիկայի ձայն»-ին:

Հարեւանութեամբ գտնուող Թրքական կեդրոնին առջեւ ալ հաւաքուած էին երկու տասնեակի մօտ ատրպէյճանցիներ ու թուրքեր, որոնց կ’անհանգստացնէր հայկական յախուռն ցոյցը:

«Ղարաբաղը հայկական հող է», «Մենք արդարութիւն կ’ուզենք», «Մենք ազատութիւն կ’ուզենք». այս եւ այլ վանկարկումներով 2 ժամ շարունակ հայ ցուցարարները իրենց վրայ սեւեռած էին անցորդներու ուշադրութիւնը:

Մանրամասները` տեսանիւթին մէջ :