Գամիշլիի մեր աղբիւրը յայտնեց, որ Չորեքշաբթի, 23 Մարտ 2016- ին Գամիշլիի «Հաուըրտ Գարակէօզեան» Մանկախնամ կեդրոնի պաշտօնէութեան անդամները այցելեցին Ազգային Եփրատ մանկապարտէզ եւ մանուկներուն հետ նշեցին Ս. Զատկուան տօնը:

Մանուկները ճոխ մթնոլորտ ստեղծեցին, ներկայացնելով ասմունքներով եւ երգերով հագեցած կոկիկ յայտագիր մը։
Աւարտին տեղի ունեցաւ հայկական աւանդական հաւկթախաղը: