Կրթասիրաց Ս.Չէմպէրճեան Երկրորդական Վարժարանի Դ. եւ Զ. կարգերու աշակերտներէն Յարութ Ճենանեան՝ առաջին,իսկ Արա Սարգիսեան՝ երկրորդ աստիճանաւորումներուն արժանացան «Քրիստափոր» գրադարանի կազմակերպած ընթերցանութեան մրցոյթին, որ տեղի ունեցաւ Չորեքշաբթի 23-Մարտ-2016 – ին ,Լեւոն Շանթ սրահէն ներս:
Անոնք իրենց նախանձախնդրութեամբ փաստեցին, թէ իսկապէս լաւ ընթերցողներ են , նոյնիսկ այս տաւնապալից օրերուն: Ջերմապէս կը շնորհաւորենք մեր սիրելի աշակերտները , կը մաղթենք անոնց յարատեւ յաջողութիւն եւ արեւշատութիւն : Վարձքը կատար վարժարանիս Հայերէնաւանդ ուսուցչուհիներուն որոնք Մայրենի Լեզուի ընթերցանութեան սէրը սերմանեցին մեր սիրելի աշակերտներուն սրտերուն եւ հոգիներուն մէջ …

Այս մասին կը յայտնէ Կրթասիրաց Մշակութային Միութիեան ֆէսպուքէան էջը: