Սթամպուլի Թուզլա թաղամասին մէջ գտնուող «Քամփ Արմէն» («Արմէն ճամբար») անունով յայտնի հայկական որբանոցի շէնքի վերականգնման աշխատանքները մեկնարկած են: Ինչպէս կը հաղորդէ «Արմէնփրէս»­ը, այս մասին կը տեղեկացնէ «Ակօս» պարբերականը:

Աշխատանքներու իրականացման նպատակով կազմուած է յատուկ պատուիրակութիւն, որուն մէջ ներառուած են տեղի հայկական տարբեր կազմակերպութիւններու ու հիմնադրամներու ներկայացուցիչներ: Կ’ակնկալուի, որ ճամբարի վերակառուցման ծիրէն ներս մօտ ժամանակներս կը յայտարարուի միջազգային ճարտարապետական մրցոյթ:

Թուզլայի թաղամասի ղեկավարութիւնը ճամբարի տարածքին մէջ սկսած է մաքրման աշխատանքներ, որոնք կ’իրականացուին յատուկ մեքենաներով: