Նոյեմբեր 6-ին Ս. Փեթերզպուրկի մէջ տեղի ունեցաւ հայ ազգային դասական երաժշտական դպրոցի հիմնադիր, մեծ երգահան Կոմիտաս վարդապետի յուշարձանի հանդիսաւոր բացման արարողութիւնը, որուն ներկայ էին Երեւանի քաղաքապետ Տարօն Մարգարեան, ՌԴ հիւսիսային մայրաքաղաքի նահանգապետ Գէորգի Փոլթաւչենքօ:

Փոլթաւչենքօ, կարեւորելով հայ-ռուսական դարաւոր բարեկամութիւնը, նկատած է, որ Ս.Փեթերզպուրկի մէջ յուշարձանի կանգնեցումը երկու ժողովուրդներու անխախտ բարեկամութեան եւս մէկ վկայութիւնն է` յատկապէս հաշուի առնելով այն հանգամանքը, թէ հայերու համար ինչ դեր ու նշանակութիւն ունի Կոմիտաս վարդապետի անձը:

«Երբեք ալ պատահական չէ, որ Կոմիտաս վարդապետի յուշարձանը կը կանգնեցուի նոյն Վասիլէոսթրովսքի վարչական շրջանին մէջ, քանի որ այս շրջանին մէջ ի սկզբանէ բնակութիւն հաստատած են ու այսօր ալ մեծ թիւով հայեր կ՛ապրին: Մշակութային կեդրոն համարուող Ս. Փեթերզպուրկի մէջ աշխարհահռչակ երգահանի յուշարձանի տեղադրումը նաեւ օրինաչափ է: Կոմիտասը հայ ժողովուրդի հանճարեղ զաւակն է` մարդ, որ աշխարհի բազմաթիւ երկիրներու մէջ քարոզած եւ փառքով պսակած է հայկական երաժշտութիւնը: Անոր մշակոյթը գերած էր աշխարհի շատ ու շատ երաժիշտներ», – նշած է ան:

Ռուսիոյ մէջ ՀՀ արտակարգ եւ լիազօր դեսպան Օլեգ Եսայան իր հերթին նախ շնորհակալութիւն յայտնած է Ս. Փեթերզպուրկի կառավարութեան` Կոմիտասի յուշարձանը Ռուսիոյ հիւսիսային մայրաքաղաքին մէջ կանգնեցնելու հարցով ցուցաբերած պատրաստակամութեան համար:

«Պարոն նահանգապետի դիտարկումն իսկապէս տեղին է, Կոմիտասը համաշխարհային մեծութիւն է, եւ նրա արուեստը սահմաններ չի ճանաչում: Սա երկու ժողովուրդների դարաւոր ու եղբայրական բարեկամութեան եւս մէկ վկայութիւնն է, որն այսօր էլ ամուր հիմքերի վրայ է», – նշած է Եսայեան:

Ողջոյնի խօսքով հանդէս եկած է նաեւ Երեւանի գլխաւոր ճարտարապետ Տիգրան Բարսեղեան:

«Յատկանշական է, որ Հայաստանը խորհրդանշող Մեծ հանճարին նուիրուած յուշարձանի բացման արարողութիւնը տեղի է ունենում Հայոց ցեղասպանութեան 100-րդ տարելիցի շրջանակում: Այն երախտիք է կոմպոզիտոր, ազգագրագէտ, գիտնական, խմբավար, երգիչ, մանկավարժ, հրապարակախօս, բանաստեղծ, հայ դասական երաժշտութեան, ազգային կոմպոզիտորական դպրոցի հիմնադրին, ում անձը հայ ժողովուրդը նոյնականացանում է հայոց այբուբենը ստեղծած Սբ Մաշտոցի հետ` երաժշտութեան ասպարէզում: Մեծն Կոմիտասի արժեւորմանը միտուած բազմաթիւ հոգեւոր ու նիւթական արժէքներ են ստեղծուել աշխարհում` գիտական, երաժշտական միջավայրում, յատկապէս աշխարհի հայաշունչ հատուածներում: Աշխարհի տարբեր երկրներում տեղադրուած նրա արձաններն ու կիսանդրիները վկայում են, որ Կոմիտասը միայն հայկական արժէք չէ: Նա համաշխարհային է, միջազգային ու համամարդկային», – նշած է Բարսեղեան:

Վասիլէոսթրովսքի վարչական շրջանի կեդրոնական Քամսքի այգիին մէջ Երեւանի եւ Ս. Փեթերզպուրկի գործակցութեան ծիրէն ներս կանգնեցուած յուշարձանի բացման արարողութիւնը ուղեկցուած է աշխարհահռչակ տուտուկահար Ջիւան Գասպարեանի կենդանի նուագակցութեամբ: Այնուհետ Հայ Առաքելական եւ Ռուս Ուղղափառ եկեղեցիներու սպասաւորները համատեղ կատարած են Կոմիտաս վարդապետի յուշարձանի օրհնութեան կարգ: Արարողութեան մասնակիցները ծաղիկներ խոնարհած են յուշարձանին:

Կոմիտաս վարդապետի 3,3 մեթր բարձրութեամբ եւ 1,7 մեթր պատուանդանով կրանիտէ յուշարձանի հեղինակը Ռուսաստանի նկարիչներու միութեան անդամ, Ս. Փեթերզպուրկի գեղարուեստա-արդիւնաբերական ակադեմիոյ դասախօս Լեւոն Բէյբութեանն է, ճարտարապետը` Մաքսիմ Աթայանցը: