Գերմանացի ցեղասպանագէտ, Հայոց ցեղասպանութեան միջազգային ճանաչմանն ուղղուած բազմաթիւ նախաձեռնութիւններու հեղինակ եւ մասնակից Թեսա Հոֆման Պեռլինի մէջ դասախօսութիւն եւ քննարկում կ’իրականացնէ ցեղասպանութեան հացանգործութեան, հայ­թրքական յարաբերութիւններու եւ այդ ծիրէն ներս Թուրքիոյ եւ Գերմանիոյ դիրքորոշման թեմայով:

Armenpress­-ի փոխանցմամբ` դասախօսութեան հրաւէրի մէջ կը նշուի, որ 100 տարի առաջ Առաջին աշխարհամարտի տարիներուն տեղի ունեցաւ քրիստոնեայ հայերու Ցեղասպանութիւնը: Եւ թէպէտ Հայոց ցեղասպանութիւնը հրէաներու Հոլոքոստի նման 20-­րդ դարու ամենայայտնի ոճրագործութիւններէն է, սակայն Թուրքիան` իբրեւ Օսմանեան կայսրութեան իրաւայաջորդ, դեռ կը հրաժարի պաշտօնապէս ընդունելու կատարուածը:

Դասախօսութեան ժամանակ Թեսա Հոֆման կը փորձէ խօսիլ այն մասին, թէ ինչու մինչ օրս այդքան դժուար է Թուրքիոյ եւ Գերմանիայի կողմէն Հայոց ցեղասպանութեան ճանաչումը: