«Ոսկէ ծիրան» Երեւանի 12-րդ միջազգային ֆիլմի փառատօնի հիւրերէն շատերը փոխած են իրենց  թռիչքներու օրերը, քանի որ չեն ցանկար հեռանալ Հայաստանէն: Նախօրէին լրագրողներուն հետ հանդիպման ժամանակ ըսած է փառատօնի հիմնադիր, գլխաւոր տնօրէն Յարութիւն Խաչատրեան:

Ասուլիսին ներկայ փառատօնի ժիւրիի անդամները շնորհաւորած են բոլոր մրցանակակիրները, խօսած փառատօնին, Հայաստանէն ստացած տպաւորութիւններուն մասին, հիացմունքով խօսած են հայկական հիւրընկալութեան եւ հիւրասիրութեան մասին:

«Ոսկէ ծիրան» Երեւանի 12-րդ միջազգային փառատօնի մրցանակակիրներն են`

ՄԻՋԱԶԳԱՅԻՆ ԽԱՂԱՐԿԱՅԻՆ ՄՐՑՈՅԹ
ՈՍԿԷ ԾԻՐԱՆ (1-ին մրցանակ). «Օձի գիրկին մէջ» , բեմադրիչ Սիռօ Գեռա (Քոլումպիա)
ՈՍԿԷ ԾԻՐԱՆ (2-ին մրցանակ). «Ձմրան վերջը», բեմադրիչ Քիմ Տէ-հուան, (Հարաւային Քորէա) Ժիւրիի յատուկ մրցանակ. «Իշկանուլ», բեմադրիչ Խայրօ Բուստամանտ», (Կուատեմալա/Ֆրանսա)

Այս տարի առաջին անգամ յանձնուած է նաեւ նոր` Հանդիսատեսի Համակրանք մրցանակը, որ ստացած է գերմանացի բեմադրիչ Մարք Պրումունտը` իր «Սրբարան», (Գերմանիա) ֆիլմին համար:

ՄԻՋԱԶԳԱՅԻՆ ՎԱՒԵՐԱԳՐԱԿԱՆ ՄՐՑՈՅԹ
ՈՍԿԷ ԾԻՐԱՆ (1-ին մրցանակ). «Իմաստի ստեղծումը», բեմադրիչ Սիմոնէ Ռապիզարդա Քազանովա, (Գանատա/Իտալիա)
ԱՐԾԱԹԷ ԾԻՐԱՆ (2-րդ մրցանակ). «Գերմանական երիտասարդութիւն», բեմադրիչ Ժան-Գաբրիէլ Պերիօ (Ֆրանսա/Գերմանիա/Զուիցերիա)

«ԿՈՐԻԶ» ԿԱՐՃԱՄԵԹՐԱԺ ՖԻԼՄԵՐ ու ՄՐՑՈՅԹ
ՈՍԿԷ ԾԻՐԱՆ(1-ին մրցանակ). «Ամէն ինչ լաւ կ’ըլլայ», բեմադրիչ Փաթրիկ Ֆոլռաթ, (Գերմանիա/Աւստրիա)
ԱՐԾԱԹԷ ԾԻՐԱՆ (2-րդ մրցանակ). «Չելլէ», բեմադրիչ Տաւուտ Խայամ (Մեծ Բրիտանիա)
ժիւրիի յատուկ մրցանակ. «Ամէն ինչ` վաճառքի», բեմադրիչ Ֆարհատ Ղօլամի (Իրան)

ՀԱՅԿԱԿԱՆ ՀԱՄԱՅՆԱՊԱՏԿԵՐ ԱԶԳԱՅԻՆ ՄՐՑՈՅԹ
ՈՍԿԷ ԾԻՐԱՆ (1-ին մրցանակ), լիամեթրաժ խաղարկային. «Մէկ, երկու, երեք», բեմադրիչ Արման Երիցեան, (Հայաստան/Գերմանիա/Նորվեկիա)
ԱՐԾԱԹԷ ԾԻՐԱՆ (2-րդ մրցանակ), կարճամեթրաժ խաղարկային. «Բժիշկը», Աննա Գորոյեան, (Ռուսաստան)
Հրանդ Մաթեւոսեան անուան յատուկ մրցանակ լաւագոյն սենարի համար. «Ճանապարհ», Գագիկ Մադոյեան, (Հայաստան)

ՖԻՊՐԵՍԻ ՄՐՑՈՅԹ
«Մոսկուիչ, իմ սէր», Արամ Շահբազեան (Հայաստան/Ֆրանսա/Ռուսաստան)

ԷՔՈՒՄԵՆԻԿ ՄՐՑՈՅԹ
«Մոսկուիչ, իմ սէր», բեմադրիչ Արամ Շահբազեան (Հայաստան/Ֆրանսա/Ռուսաստան)
Խրախուսական մրցանակ. «Սիւաս», բեմադրիչ Քաան Միւժտեջի, (Թուրքիա/Գերմանիա)

«Ոսկէ ծիրան» Երեւանի 12-րդ ֆիլմի փառատօնը կայացած է Յուլիս 12-19: Փառատօնը այս տարի ստացած էր շուրջ 1600 յայտ` 105 երկրէ: Ընտրուած 76 ֆիլմէ 12-ը մրցած են Միջազգային Խաղարկային, 13-ը` Միջազգային Վաւերագրական, 17-ը` Հայկական համայնապատկեր եւ 34-ը` «Կորիզ » կարճամեթրաժ ֆիլմերու մրցութային ծրագիրներուն: Փառատօնի ծրագիրներուն ներկայացուած են համաշխարհային հնչողութիւն ստացած մրցանակակիր ֆիլմեր, մասնաւորապէս` Քաննէն, Պեռլինէն եւ Վենետիկէն: Ընդհանուր առմամբ փառատօնային օրերուն ցուցադրուած է մօտ 200 ֆիլմ: