Յուլիս 13-ին Նինոծմինտայի Երիտասարդական Կրթամշակութային Կեդրոնին մէջ բացում կատարուեցաւ «Ջաւախքի Ճամբար» ծրագիրին: Ծրագիրը կ’իրականացուի Հայ Օգնութեան Միութեան աջակցութեամբ: Այս մասին կը տեղեկանենք  Akhaltskha.Net կայքէն:

«Ջաւախքի ճամբար» ծրագիրը առաջին անգամ կ’իրականացուի Նինոծմինտայի ԵԿ-ի մէջ, որ աւանդական պիտի դառնայ կեդրոնին մէջ: Ծրագիրին ընդգրկուած են 8-16 տարեկան թիւով 80 պատանիներ, որուն տեւողութիւնը 6 օր է:

ԱՄՆ-էն ժամանած հայ երիտասարդները պիտի սորվեցնեն հայկական պարեր, երգեր, նկարչութիւն, արուեստ: Պիտի իրականացնեն դասընթացներ առողջ ապրելակերպի, անգլերէն լեզուի, նշանաւոր ջաւախքցիներու մասին:

Պիտի կազմակերպուին մարզական եւ ժամանցի խաղեր: «Ջաւախքի ճամբար» ծրագիրի աւարտին տեղի պիտի ունենայ ամփոփիչ ձեռնարկ: