Գերմանիոյ Լոքքում քաղաքի Աւետարանական Ակադեմիան (Evangelische Akademie Loccum), համագործակցութեամբ Լեփսիուս գիտական կեդրոնին (Lepsiushaus), կազմակերպած էր գիտաժողով մը նուիրուած Հայոց Ցեղասպանութեան 100 ամեակին, որ տեղի ունեցաւ 29-31 Մայիս 2015-ին: Գիտաժողովը, զոր կը կրէր «Հայոց Ցեղասպանութիւնը եւ Գերմանիոյ Աւետարանական Եկեղեցին» խորագիրը, քննարկեց 19-րդ դարու աւարտին եւ 20-դարասկզբին Հայոց Ցեղասպանութեան նկատմամբ կայսերական Գերմանիոյ քաղաքական դիրքորոշումն ու Գերմանիոյ Աւետարանական Եկեղեցւոյ քրիստոնէական դիրքը՝ աստուածաբանական մօտեցումի լոյսին տակ: Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանը, սոյն գիտաժողովին հանդէս եկաւ «Հայոց Ցեղասպանութիւնը եւ Գերմանիոյ Աւետարանական Եկեղեցին» խորագիրը կրող բանախօսութեամբ: