“Հայերն Այսօր”-ի տեղեկացմամբ, Aztagarabic-ին  մէջ կը կարդանք.

“Ալ-Մաըրիֆէ”  Եգիպտական կայքէջը հրապարակած է յօդուած մը հանրածանօթ եգիպտացի  երաժիշտ` Ֆուատ Ալ-Տահըրիի մասին, նշելով որ ան արմատներով հայ է… Անոր մականունը կու գայ իր ծննդավայր Եգիպտոսի մէջ Ալ- Տահըրիէ շրջանէն. : Ան մահացած է  80 տարեկանին   1988-թ.ին:

Անոր իսկական անունը եղած է Կարապետ Փանոսեան .1940- թ.էն  ի վեր եղած է արաբական ֆիլմարտադրութեան երաժիշտը:

Իր կեանքին ընթացքին ներկայացուցած է զանազան երաժշտական ծրագիրներ՝ Եգիպտոսի Ռատիոյէն, ինչպէս նաեւ բազմաթիւ երաժշտութիւններ Եգիպտական դրուագաշարերուն:

Ալ-Տահըրին անցեալ դարու  40- ական թուականներէն սկսեալ մինչեւ իր մահը յօրինած է հիասքանչ երաժշտութիւններ հանրայայտ արաբական ֆիլմերու համար:

Անոր մասին  ըսուած է` “ Ալ-Տահըրիի հիանալի երաժշտութիւնը պատճառ դարձաւ աւելի քան  300 ֆիլմերու յաջողութեան… անկասկած, որ անոր երաժշտութիւնը  կը խօսի մարդու հոգիին նախքան սրտին,եւ  որմով ռոմանթիկ կախարդական աշխարհ կ’ապրինք:

Ֆուատ Ալ-Տահըրիի մասնագիտական երաժշտութիւնը ամենագեղեցիկն է ու ամենահռչակաւորը, որմով հարստացաւ Եգիպտական եւ արաբական ֆիլմերը: