Մայիսին մեկնարկած 56-րդ վենետիկեան միջազգային բիենալէի թրքական տաղաւարի մէջ հայ արուեստագէտ Սարգիսը կը ներկայացնէ “Respiro” (“շունչ”) խորագիրով ցուցադրութիւնը: ermenihaber.am-ը կը տեղեկացնէ, որ թրքական “Cumhuriyet” պարբերականի վկայութեամբ` այդ ցուցադրութեան մասին անգլերէն եւ թրքերէն տարբերակներով պատրաստուած գրքոյկը ճգնաժամի պատճառ հանդիսացած է:  Գրքոյկը, որ պէտք է բաժնուէր ցուցադրութեան բացման օրը` Մայիս 7-ին,  ընդգրկած է Ռաքէլ Տինքի հեղինակած յօդուածը:

Այդ յօդուածի մէջ տեղ գտած է “Հայոց ցեղասպանութիւն” արտայայտութեան պատճառով ալ գրքոյկը արգիլուած է, քանի որ ցեղասպանութեան յիշատակումը քննադատութեան արժանացած է ցուցադրութեան հովանաւոր Թուրքիոյ ԱԳՆ-ի եւ Մշակոյթի նախարարութեան, ինչպէս նաեւ թրքական տաղաւարին աջակցողներու կողմէն:

Նշենք, որ Ռաքէլ Տինքը իր յօդուածի մէջ կը յիշատակէ ամուսինի` 2007թ Թուրքիոյ մէջ սպանուած հայ լրագրող Հրանտ Տինքի մասին:

“Սա այնքան մեծ վիշտ է: 1915թ Հայոց ցեղասպանութեան վիշտը, բոլոր անգերեզման եւ անյիշատակ կորուստներու վիշտը միաւորուեցան եւ վիշտն ալ աւելի անսահման դարձաւ”:

Սարգիսն ու ցուցադրութեան համակարգող Դեֆնէ Այասը գտած են այլընտրանքային տարբերակ. անոնք չբաժնուած գրքոյկները ցուցադրութեան հանած են Վենետիկի մէջ` ուղղահայեաց կանգնեցուած “դագաղ”-ի մէջ` այդպիսով արտայայտելով իրենց բողոքը գրաքննութեան դէմ: