2014թ. Հոկտեմբերին ՀՀ սփիւռքի նախարարութիւն  այցելած էին Ռուսաստանի Դաշնութեան ժողովրդական նկարիչ Ճաննա Թութունճեանի զաւակներ Արսէն Պասկակովը եւ Եուլիա Պորիսովան, որոնք, կատարելով իրենց մօր կամքը, կը խնդրէին ՀՀ սփիւռքի նախարարութեան միջնորդութիւնը` նկարչուհիին «Նուռ Հայաստանէն» ստեղծագործութիւնը ՀՀ Պետական ազգային պատկերասրահին նուիրաբերելու համար:

ՀՀ սփիւռքի նախարարը ողջունած է նկարչուհիի զաւակներու բարեսիրական նախաձեռնութիւնը եւ շնորհակալութիւն յայտնած անոնց` իբրեւ բարեպաշտ զաւակներ` իրենց մօր կտակը կատարելու եւ սփիւռքի մէջ հայ մշակոյթի պահպանման ուղղուած ջանքերուն համար:

Ռուսաստանի Դաշնութեան ժողովրդական նկարիչ Ճաննա Թութունճեանի «Նուռ Հայաստանէն»  նկարը համապատասխան նամակով յանձնուած է ՀՀ Պետական ազգային պատկերասրահին, ուր սիրով ընդունած են նուէրը եւ ներկայացուցած ցուցադրութեան: