ՀՀ սփիւռքի նախարարութեան «Արի տուն-2016» թուականի մասնակից, ամերիկահայ Հրաչ Պլիկեան «Հայերն այսօր»-ի  հետ զրոյցին ըսաւ, որ ամէն տարի անհամբերութեամբ կը սպասէ ամառնային արձակուրդներուն, որպէսզի ծնողքէն խնդրէ` իրեն կրկին Հայաստան տանին:

Այստեղ ինք շատ լաւ կը զգայ, կրնայ լիարժէք հանգստանալ: Հայաստան ապրող մարդոց մասին խօսելուն` կ’ըսէ, որ անոնց հետ հաղորդակցուիլը հեշտ է, երբ որեւէ հարցով կը դիմէ անոնց, պատրաստակամ են օգնելու: Ապրելով ԱՄՆ-ի Լոս Անճելըս քաղաքին մէջ` Հրաչը հայկական դպրոց կը յաճախէ, որպէսզի լաւ տիրապետէ հայերէնին:

«Արի տուն»  ծրագիրը շատ  հաւնած է: Առաւօտեան ոգեւորութեամբ կ’արթննամ եւ կը շտապեմ հայոց լեզուի դասընթացներուն, որմէ ետք  մասնակիցներուն հետ շրջագայութեան կը մեկնիմ Հայաստանի տեսարժան վայրերով:

«Ընկերներուս հետ կը մասնակցիմ «Արի տուն» ծրագիրին: Որոշում կայացնելէ ետք  հասկցանք, որ մեզի հնարաւորութիւն  տրուած է մօտէն ճանչնալու մեր Հայրենիքը, ծանօթանալու հայկական մշակոյթին: Երբ որեւէ եկեղեցի, թանգարան կամ այլ շինութիւն կը տեսնեմ, կը յիշեմ, որ ատոնք նախապէս համացանցի միջոցով  ուսումնասիրած էի ` լաւ պատկերացնելու, թէ ուր պիտի  այցելելեմ»,-ըսաւ Հրաչ Պլիկեան:

Գէորգ Չիչեան