Սերոբ Դարբինեան ծնած, մեծցած է Երեւանի մէջ:  Ուսանած եւ  աւարտած է  Երեւանի գեղարուեստի պետական ինստիտուտը (ներկայիս’ Երեւանի գեղարուեստի ակադեմիա),  1996 թուականին ընտանիքով տեղափոխուած է Հոլանտա:

Անոր ստեղծած նկարչական աշխատանքները, որ յաճախ նորամուծութիւններու արդիւնք են, շատ արագ ճանաչում ստացան արուեստներու երկիր Հոլանտայի մէջ: Մասնագէտները բարձր կը գնահատեն նկարչութեան տարբեր ճիւղերու մէջ անոր ձեռք բերած արդիւնքները: Սերոբի նկարչական աշխատանքներու արտացոլումը տեղ  գտած է հոլանտական մամուլին մէջ: Նկարիչը միշտ պատեհ առիթներով կը շեշտադրէ իր ազգային պատկանելիութիւնը` լայն տեղ տալով հայու ազգային նկարագրին ու կերտուածքին: Ան այժմ ստեղծագործելուն հետ մէկտեղ կը դասաւանդէ  Nunspeet-ի արուեստի ազատ ակադեմիոյ մէջ: Այս մասին կը յայտնէ «Հայերն այսօր»-ը` յղում կատարելով  «Նիտերլանտական օրագրին»:

«Հոլանտայի մէջ 17 տարի առաջ ստացայ դասախօսի կոչում, իսկ հիմա շնորհուեցաւ փրոֆէսորի կոչում»,-իր ֆէյսպուքեան էջին վրայ գրած է Սերոբ Դարբինեան: