Օրեր առաջ լրատուամիջոցներով (հայաստանեան եւ սփիւռքեան) տարածուած էր այն լուրը, որ հիմնահատակ աւերուած է Իրաքի Սինճար բնակավայրին մէջ գտնուող Սուրբ Մարիամ Աստուածածին հայկական եկեղեցին:

Լուրի իսկութիւնը պարզելու համար «Հայերն այսօրը» կապ հաստատեց Իրաքի Հայոց առաքելական եւ կաթողիկէ առաջնորդարաններուն հետ: Վերջիններս փոխանցեցին, որ Սինճարի Սուրբ Կոյս Մարիամ եկեղեցին կը պատկանի սիրիան (հնագոյն ժողովուրդ) ուղղափառ (օրթոտոքս) համայնքին եւ կառուցուած է 1915 թուականին: Եկեղեցւոյ քանդուելու մասին լուրը հրապարակուած է 2015 թուականի Նոյեմբեր 25-ին ankawa.com կայք-էջին մէջ (յղումը կրնաք տեսնել այստեղ):

Սինճարի մէջ մենք երբեւէ Հայկական առաքելական եկեղեցի չենք ունեցած: Գործած է Սուրբ Գէորգ (Ճըրճս) անունով հայ կաթողիկէ համայնքին պատկանող փոքրիկ եկեղեցի, որ մօտ երկու տարի առաջ քանդուած է, երբ շրջան ներխուժած են ՏԱՀԵՇ-ի  գրոհայինները:

Սինճարի Ս. Գէորք եկեղեցւոյ նկարները ,«Հայերն այսօրին» ուղղարկուած Հայ կաթողիկէ առաջնորդարանի պաշտօնեային կողմէն