Արժանթինի մէջ գործող Արժանթինի հայկական մշակութային կեդրոնը արժանացած է Կորդաբայի մէջ ամենամեայ “Jeronoma” մրցանակին, որ կը տրուի ամէն տարի քաղաքի մէջ մշակութային, հասարակական աշխոյժ գործունէութիւն իրականացնող անձանց եւ խումբերուն:

Ինչպէս Armenpress­-ին տեղեկացուցին Արժանթինի հայ համայնքէն, մրցանակաբաշխութիւնը տեղի ունեցած է Լիբերտադոր թատրոնէն ներս տեղի երգչախումբի եւ սիմֆոնիկ նուագախումբի մասնակցութեամբ: Արժանթինահայերուն մրցանակը յանձնած է Կորդոբայի քաղաքապետ Ռաուլ Մեստրէն:

Մրցանակներու արժանացած են նաեւ Արժանթինի մէջ յայտնի գրող Նելսոն Սպեչիան, նկարիչ Վիւիեն Պոզեբոն եւ այլն: Կորդոբայի մէջ ամէն տարի կը տրուի Jeronoma մրցանակը` ի պատիւ քաղաքի հիմնադիր Ջերոնիմօ Լուիս դէ Կաբրերայի: