Արժույթի միջազագային հիմնադրամի (ԱՄՀ) գործադիր խորհուրդը հաստատել է 84 մլն դոլարի տրամադրումը Հայաստանին: Ինչպես հաղորդում է «Արմենպրես»-ը` վկայակոչելով ԱՄՀ պաշտոնական
կայքը, գործադիր խորհուրդը հուլիսի 1-ին ամփոփել է «Երկարաձգվող ֆինանսավորման» (EFF) և «Երկարաձգվող վարկավորման» (ECF) եռամյա ծրագրերի շրջանակներում Հայաստանի կատարողականի վեցերորդ և վերջին դիտարկման արդյունքները: Որոշվել է իշխանություններին հնարավորություն տալ ներգրավել լրացուցիչ 55 միլիոն ՀՓԻ (շուրջ 84 միլիոն ԱՄՆ դոլար)՝ ծրագրերի շրջանակում տեղաբաշխված ընդհանուր գումարը հասցնելով 266,8 մլն ՀՓԻ-ի (407,2 մլն ԱՄՆ դոլար): «Հիմնադրամի օժանդակությամբ իրականացվող ծրագրերի շրջանակում համաձայնեցված
քաղաքականությանը հավատարիմ լինելը կարևոր դեր է կատարել Հայաստանում հաստատուն աճի վերականգնմանն օգնելու հարցում: Հայաստանի տնտեսական աճը 2011թ. աճը կազմել է 4.7 տոկոս, 7.2 տոկոս` անցյալ տարի, և շարունակում է կայուն մնալ 2013-ին: Գնաճը շարունակում է ցածր մնալ Կենտրոնական բանկի նախասահմանած 4 տոկոս նպատակային շեմից, իսկ ցնցումները կարճատև բնույթ են կրել: Վերջին երեք տարվա ընթացքում բյուջետային պակասուրդի հաղթահարումը, որը կատարավում է նաև շնորհիվ հարկային եկամուտների էական աճի, վերականգնել է Հայաստանի ֆինանսական կայունությունը և նպաստել արտաքին կարգավորումներին»,-ասված է ԱՄՀ
հայտարարության մեջ:

Հայաստանին ուղղվող ֆինանսական միջոցների EFF և ECF եռամյա ծրագրերը ԱՄՀ գործադիր խորհուրդը հաստատել է 2010 թվականի հունիսի 28- ին: