Արևմտահայերեն
Русский
EnglishԴետրոյթի Հանրային Հեռուստաընկերությունը Հայոց ցեղասպանության մասին վավերագրական ֆիլմեր է ցուցադրելու
Մարտի 16-ին Դետրոյթի Հանրային հեռուստաընկերության եթերում «Հայկական ժառանգության գիշեր» կանցկացվի, որի ընթացքում ցուցադրվելու են երկու վավերագրական կինոնկարներ՝ նվիրված Հայոց ցեղասպանության զոհերի հիշատակին ու ազգային երաժշտությանը:
Երաժիշտներ Արա Թոփուզյանը (քանոն) և Ջերի Գերջեկյանը (հարվածային գործիքներ) հանդես կգան ողջ երեկոյի ընթացքում, – տեղեկացնում է Դեթրոիթի Հանրային հեռուստաընկերությունը:
Մեկ ժամ տևող վավերագրական ֆիլմերից մեկը ներկայացնում է տեղի հայ երաժշտության վարպետների սերունդների պատմությունները: Ֆիլմի պրոդյուսերն է երաժիշտ Արա Թոփուզյանը:
Ավանդական, հայկական ժողովրդական երաժշտությունը ներառում է գյուղական կյանքը նկարագրող բալլադներից մինչև հարսանեկան արարողությունների, համայնքային պարերի և ճաշկերույթների ընթացքում ներկայացվող պարային երգեր:
Այս ավանդույթները երաժիշտներին անցել են սերնդեսերունդ և 1915թ. Հայոց ցեղասպանության փրկվածներից: Ֆիլմում այցելում եմ Դեթրոիթի այն վայրերը, որտեղ ժամանակին հայտնի էր հայկական երաժշտությունը, ներկայացվում են նաև հազվագյուտ հարցազրույցներ տեղի երաժիշտների հետ:
«Հայոց ցեղասպանությունը» պատմություն է Առաջին համաշխարհայինի ժամանակ օսմանյան թուրքերի ձեռքից մահացած ավելի քան 1.5 մլն հայերի մասին: Ֆիլմը պատրաստել է Էմմի մրցանակակիր Էնդրյու Գոլբերգը:
Ֆիլմում խոսում են Նատալի Պորտմանը, Լաուրա Լիննին, Օրլանդո Բլումը, Էդ Հարիսը և այլոք: Ներառված են նաև հարցազրույցներ Պուլիտցերյան մրցանակակիր, ՄԱԿ-ում ԱՄՆ դեսպան Սամանթա Փաուերի հետ, ինչպես նաև երբևէ չցուցադրած պատմական կադրեր:
