Փետրվարի 20-ին Լեհաստանում ՀՀ դեսպան Էդգար Ղազարյանը հանդիպում է ունեցել Լեհաստանի հայկական կազմակերպությունների ներկայացուցիչների հետ, որոնք ներկայացրել են վերջին ժամանակահատվածում իրենց կողմից իրականացված նախագծերը, ինչպես նաև անդրադարձել են 2015թ. ընթացքում նախատեսվող ծրագրերին, այդ թվում` Հայոց ցեղասպանության 100-րդ տարելիցի շրջանակներում կազմակերպվող միջոցառումներին:

Ինչպես այդ մասին տեղեկացնում է ՀՀ ԱԳ-ն, դեսպան Ղազարյանն իր պատրաստակամությունն է հայտնել՝ հնարավոր աջակցություն ցուցաբերելու հայկական կազմակերպություններին իրենց ծրագրերի իրականացման հարցում: