Նախարարը բարձր գնահատեց ավանդական դարձած փառատոնի կազմակերպումը, որը յուրահատուկ կերպով ամփոփում և ներկայացնում է նորագույն տեխնոլոգիաների, մաթեմատիկայի, քիմիայի, ֆիզիկայի և այլ ոլորտներում իրականացված գիտափորձերը:

Նախարարը  հատկապես կարևորեց  այն գիտական հարցադրումները, որոնք աշակերտները ներկայացրել էին  հայտնի գիտնականներին և հենց փառատոնում էլ` սեմինարների ընթացքում, լսեցին դրանց պատասխանները: Նախարարը վստահություն հայտնեց, որ ազգային դպրոցը, համագործակցելով գիտական կենտրոնների հետ, նման ձեռնարկների, հետևողական աշխատանքի ու նվիրումի շնորհիվ կարող է մեծ  առաջընթաց ապրել՝ ապահովելով ժամանակակաից մրցունակ մասնագետների նոր սերնդի կայացմանը: Նախարար Հրանուշ Հակոբյանը կարևորեց նաև Հայաստանի կրթօջախների համագործակցությունը Սփյուռքի մեծ փորձ ունեցող դպրոցների և սփյուռքահայ գիտնականների հետ, փորձի փոխանակման հնարավորությունների ընդլայնումը,  աշակերտակենտրոն, ճկուն և արդի գիտատեխնիկական նվաճումներին համահունչ դպրոցի կայացումը, ինչպես նաև Սփյուքի և Հայաստանի դպրոցների քույրացման ընդլայնումը: