Ապրիլի 16-ին, ժամը 15:00-ին ՀՀ Եզդիների ազգային միությունը սիրով հրավիրում է բոլորին մասնակցելու «Չարշամա Սըրսալե» միջոցառմանը՝ նվիրված եզդիների ազգային Նոր տարվա տոնակատարությանը, որը կկայանա Երևանի Ագլիական այգում (հասցե` Իտալիայի փողոց): Միջոցառման ընթացքում կներկայացվեն տոնի գլխավոր խորհուրդը, ինչպես նաև եզդիական ազգային երգերը, պարերը, տարազը և ուտեստները:

Միջոցառման նպատակն է ներկայացնել եզդիների ազգային Նոր տարին` Չարշամա Սըրսալեն, այսինքն՝ տարեսկզբի չորեքշաբթի տոնը: Այս միջոցառումը նպատակ ունի խթանելու քաղաքացիների մշակութային մասնակցությունը՝ սերմանելով հանդուրժողականություն, ինչպես նաև ներկայացնելու եզդիների ազգային ավանդույթները:

Միջոցառման ընթացքում հյուրերին կներկայացվեն եզդիների ավանդական ուտեստները: Նախատեսվում է նաև տոնի գլխավոր խորհրդի ցուցադրություն, որին կմասնակցեն նաև միջոցառման հյուրերը:

Միջոցառումը կազմակերպվում է Եզդիների ազգային միության կողմից, ՀՀ ազգային փոքրամասնությունների համակարգող խորհրդի աջակցությամբ`  CAUCULT Կովկասյան մշակութային նախաձեռնությունների ցանց ծրագրի շրջանակերում:

***

CAUCULT-ը միջազգային, միջմշակութային ծրագիր է, որը խթանում է Հարավային Կովկասում էթնիկ, կրոնական և մշակութային բազմազանությանը նպաստող նախաձեռնությունները: Ծրագրի նպատակն է բացահայտել Կովկասում մշակութային բազմազանությունը՝ որպես տարածաշրջանում առաջընթացի և բարգավաճ զարգացման կարևոր նախապայման:

Ծրագրով նախատեսված է բացահայտել, ուսուցանել և հզորացնել մշակութային դերակատարների լայն և բազմազան ցանց՝ ծրագրում ներգրավված շրջաններում և երկրներում մշակութային զարգացումը խթանելու համար, ինչպես նաեւ աջակցել մշակությաին բազմազանության եւ միջմակութային երկխոսության ոլորտներում նոր ծրագրերի եւ քաղաքականությունների մշակմանը: CAUCULT-ը միջազգային ծրագիր է, որն իրականացվում է զուգահեռ Հայաստանում, Վրաստանում, Ադրբեջանում և համակարգվում ավստրիացի և լիտվացի գործընկերների կողմից:

Ծրագիրն իրականացվում է Եվրոպական հանձնաժողովի արևելյան գործընկերության մշակութային ծրագրի և Ավստրիական զարգացման համագործակցության (Austrian Development Cooperation) աջակցությամբ:

Հավելյալ տեղեկությունների համար այցելեք www.caucult.net կամ ուղարկեք մեզ Ձեր հարցերը CAUCULT.Armenia@gmail.com հասցեով: