Ապրիլ 16-ին, ժամը 15:00-ին ՀՀ Եզտիներու ազգային միութիւնը սիրով կը հրաւիրէ բոլորին մասնակցելու “Չարշամա Սըրսալէ” ձեռնարկին` նուիրուած եզտիներու ազգային Նոր Տարուան տօնակատարութեան, որ կը կայանայ Երեւանի Անգլիական այգիին մէջ (հասցէ` Իտալիոյ փողոց): Ձեռնարկին ընթացքին կը ներկայացուին տօնի գլխաւոր խորհուրդը, ինչպէս նաեւ եզտիական ազգային երգերը, պարերը, տարազը եւ ուտեստները:

Ձեռնարկին նպատակն է ներկայացնել Եզտիներու ազգային Նոր Տարին` Չարշամա Սըրսալէ, այսինքն տարուան սկիզբի չորեքշաբթի տօնը: Այս ձեռնարկը նպատակ ունի խթանելու քաղաքացիներու մշակութային մասակցութիւնը` սերմանելով հանդուրժողականութիւն, ինչպէս նաեւ ներկայացնելու եզտիներու ազգային աւանդոյթները:

Ձեռնարկին  ընթացքին հիւրերուն կը ներկայացուին եզտիներու աւանդական ուտեստները: Կը նախատեսուի նաեւ տօնի գլխաւոր խորհուրդի ցուցադրութիւն, որուն կը մասնակցին նաեւ ձեռնարկի հիւրերը:

Ձեռնարկը կը կազմակերպէ Եզտիներու ազգային միութեան կողմէ, ՀՀ ազգային փոքրամասնութիւններու համակարգող խորհուրդի աջակցութեամբ`  CAUCULT կովկասեան մշակութային նախաձեռնութիւններու ցանց ծրագիրի ծիրէն ներս:

***

CAUCULT-ը միջազգային, միջմշակութային ծրագիր է, որ կը խթանէ Հարաւային Կովկասին մէջ էթնիկ, կրօնական եւ մշակութային բազմազանութեան նպաստող նախաձեռնութիւնները: Ծրագիրի նպատակն է բացայայտել Կովկասի մէջ մշակութային բազմազանութիւնը` որպէս տարածաշրջանին մէջ յառաջընթացի եւ բարգաւաճ զարգացման կարեւոր նախապայման:

Ծրագիրով նախատեսուած է բացայայտել, ուսուցանել եւ հզօրացնել մշակութային դերակատարներու լայն եւ բազմազան ցանց` ծրագիրին ներգրաւուած շրջաններուն եւ երկիրներու մշակութային զարգացումը խթանելու համար, ինչպէս նաեւ աջակցելու մշակոյթի բազմազանութեան եւ միջմշակութային երկխօսութեան ոլորտներուն մէջ  նոր ծրագիրներու եւ քաղաքականութիւններու մշակման: CAUCULT-ը միջազգային ծրագիր է, որ կ’իրականացուի զուգահեռ Հայաստանի, Վրաստանի, Ատրպէյճանի մէջ  եւ կը համակարգուի աւստրիացի եւ լիթվացի գործընկերներու կողմէ:

Ծրագիրը կ’իրականացուի Եւրոպական Յանձնաժողովի Արեւելեան Գործընկերութեան մշակութային ծրագիրի եւ Աւստրիական զարգացման համագործակցութեան (Austrian Development Cooperation) աջակցութեամբ:

Յաւելեալ տեղեկութիւններու համար այցելեք www.caucult.net կամ ուղարկէք մեզ Ձեր հարցերըCAUCULT.Armenia@gmail.com հասցէով: