Համահայկական ձմեռային առաջին խաղերի երկրորդ օրը՝ փետրվարի 25-ին, մրցապայքարի մեջ մտան լեռնադահուկորդները՝  հսկա ոլորավայրէջք մրցաձևում:

Ծաղկաձորում է նաև Սոչիի օլիմպիական խաղերի մասնակից Արման Սերեբրակյանը, ով, չնայած հոգնածությանը, չէր կարող բաց թողնել առաջին անգամ Հայաստանում անցկացվող այս իրադարձությունը:

«Ճիշտ է, շատ հոգնած էի, բայց դա չէր կարող խանգարել ինձ: Ուրախ եմ, որ այս միջոցառմանը մասնակցելու հնարավորություն ունեմ: Այն ինձ համար նաև փորձ է»,- նշեց Սերեբրակյանը:

Տղամարդկանց մրցապայքարում 800 մետր մրցատարածությունում առաջին տեղը գրավեց  Նիկոլոզ Կոզանաշվիլին (Թբիլիսի),   երկրորդ տեղը՝ Արման Սերեբրակյանը (Նովաթո ) : Լավագույն եռյակը եզրափակեց ծաղկաձորցի Արսեն Ներսիսյանը:

Կանանց մրցապայքարում առաջատարը    Թամար Բարբարյանն է (Թբիլիսի): Ծաղկաձորցի Եվա Պապոյանը զբաղեցրեց երկրորդ հորիզոնականը, իսկ վանաձորցի Սիրանուշ Մաղաքյանը հանգրվանեց 3-րդ տեղում:

panarmeniangames.am

Լուսանկարները՝ PAN Photo