Փետրվարի 22-ին Ստամբուլ քաղաքում անցկացվեց ատլետիկայի Բալկանյան երկրների ձմեռային առաջնությունը, որին մասնակցել են 15 երկրների հավաքական թիմեր։ Հայաստանի պատվիրակության տղամարդկանց թիմից 2013 թվականի երիտասարդների Եվրոպայի չեմպիոն, կապանցի Լևոն Աղասյանը եռացատկ մրցաձևում 16 մ 16 սմ արդյունքով գրավել է 1-ին տեղը և դարձել առաջնության հաղթող:

Նույն մրցաձևում կանանց թիմից երևանցի Սաթենիկ Հովհաննիսյանը 12 մ 84 սմ արդյունքով գրավել է 3-րդ մրցանակային տեղը:

Թիմային պայքարում Հայաստանի և՛ տղամարդկանց և՛ կանանց հավաքականները 15 թիմերի պայքարում գրավել են 6-րդ տեղը: Այս մասին տեղեկանում ենք ՀՀ սպորտի նախարարության պաշտոնական կայքից: