2014 թուականի փետրուար 22-ին Սթամպուլ քաղաքին մէջ կայացած է  մարզախաղերու Պալքանեան երկիրներու ձմեռնային առաջնութիւնը, որուն մասնակցած են 15 երկիրներու հաւաքական  խումբեր: Հայաստանի պատուիրակութեան տղամարդոց խումբէն`
2013 թուականի երիտասարդներու Եւրոպայի ախոյեան, կապանցի Լեւոն Աղասեան եռացատկ մրցաձեւին 16 մ 16 սմ արդիւնքով գրաւած է 1-ին տեղը եւ դարձած առաջնութեան յաղթող:

Նոյն մրցաձեւին կանանց խումբէն` երեւանցի Սաթենիկ Յովհաննիսեան 12 մ 84 սմ արդիւնքով գրաւած է 3-րդ մրցանակային տեղը:

Խմբային պայքարին մէջ Հայաստանի եւ՛ տղամարդոց եւ՛ կանանց հաւաքականները 15 խմբային պայքարին գրաւած են 6-րդ տեղը: Այս մասին կը տեղեկանանք ՀՀ մարմնակրթութեան նախարարութեան պաշտօնական կայքէն: