Հայ ռազմական բժիշկ Հարություն Խաչատրյանը հետմահու պարգևատրվել է հրեական Յադ Վաշեմ թանգարան-ինստիտուտի Աշխարհի արդարակյացներ մրցանակով, հայտնում է Massis Post-ը:

Հայաստանում Իսրայելի դեսպան Շմուել Մեյրոմը և Հայաստանում Իսրայելի պատվո հյուպատոս Աշոտ Շահմուրադյանը Հարություն Խաչատրյանի մեդալը հանձնել են նրա թոռնուհուն` երգչուհի Աննա Խաչատրյանին:

Աղբյուրը նշում է, որ Խաչատրյանների ընտանիքը պարգևատրվել է դեռ անցած տարի, միջոցառմանը ներկա են եղել նաև ՀՀ նախագահ Սերժ Սարգսյանը և Հայոց ցեղասպանության թանգարան-ինստիտուտի տնօրեն Հայկ Դեմոյանը:

2013-ի դրությամբ նշված պարգևին արժանացել է 24,811 մարդ, որոնցից 22-ը` Հայաստանից:

www.tert.am