Վրաստանի ՀՕՄ-ի անդամները Ամանորի ծրագրի  շրջանակում այցելեցին Նինոծմինդայի շրջանային հիվանդանոցի ծննդատուն, որտեղ շնորհավորեցին նորածինների  մայրերի Ամանորը:

Ծննդատանը ՀՕՄ-ուհիները մայր դարձած կանանց և նրանց նորածին երեխաներին բաժանեցին նվերներ:

ՎՀՕՄ-ի կազմակերպած հաջորդ ծրագիրը Նինոծմինդայում ծնողազուրկ երեխաների համար էր, որը տեղի ունեցավ Նինոծմինդայի Սբ.Սարգիս եկեղեցում:

Չնայած եղանակային վատ պայմաններին, եկեղեցում հավաքվեցին երեխաներ տարբեր գյուղերից: ՀՕՄ-ուհիները երեխաների Ամանորը շնորհավորելուց հետո նրանց նվիրեցին տոնական նվերներ:

Հիշեցնենք, որ Ախալքալաքում ՎՀՕՄ-ի կողմից կրկին ծնողազուրկ երեխաների եւ հաշմանդամների համար կազմակերպվել էր ամանորյա միջոցառում, որի ընթացքում երեխաներին բաժանվել էին ամանորյա նվերներ:

ՀՕՄ-ուհիները  այցելել էին նաեւ Ախալքալաքի ծննդատուն եւ այնտեղ եւս նվերներ բաժանել նորածինների  մայրերին:

Ինչպես արդեն տեղեկացրել էինք, Ախալցխայում  նույնպես տեղի էր ունեցել ծնողազուրկ երեխաների համար բարեգործական միջոցառում:

http://javakhkmedia.com