Վրաստանի ՀՕՄ-ի անդամները Ամանորի ծրագիրի  ծիրէն ներս այցելած են Նինոծմինտայի շրջանային հիւանդանոցի ծննդատուն, ուր շնորհաւորած են նորածիններու  մայրերու Ամանորը:

Ծննդատան մէջ ՀՕՄ-ուհիները մայր դարձած կանանց եւ անոնց նորածին երեխաներուն բաժնած են նուէրներ:

ՎՀՕՄ-ի կազմակերպած յաջորդ ծրագիրը Նինոծմինտայի մէջ ծնողազուրկ երեխաներու համար էր, որ տեղի ունեցած է Նինոծմինտայի Սբ.Սարգիս եկեղեցւոյ մէջ:

Չնայած եղանակային վատ պայմաններուն, եկեղեցւոյ մէջ հաւաքուած էին երեխաներ տարբեր գիւղերէ: ՀՕՄ-ուհիները երեխաներու Ամանորը շնորհաւորելէ ետք անոնց նուիրած են տօնական նուէրներ:

Յիշեցնենք, որ Ախալքալաքի մէջ ՎՀՕՄ-ի կողմէ կրկին ծնողազուրկ երեխաներու եւ հաշմանդամներու համար կազմակերպուեած էր ամանորեայ ձեռնարկ, որուն ընթացքին երեխաներուն բաժնուած  էին ամանորեայ նուէրներ:

ՀՕՄ-ուհիները  այցելած էին նաեւ Ախալքալաքի ծննդատուն եւ այնտեղ եւս նուէրներ բաժնած նորածիններու  մայրերուն:

Ինչպէս արդէն տեղեկացուցած էինք, Ախալցխայի մէջ  նոյնպէս տեղի ունեցած էր ծնողազուրկ երեխաներու համար բարեգործական ձեռնարկ:

http://javakhkmedia.com