Նոյեմբերի 15-ին Նոր Ջուղայի Հայ կանանց գթության միության վարչությունը մարդասիրական օժանդակություն է ցուցաբերել Իրանի Քերմանշահ նահանգում տեղի ունեցած երկրաշարժի հետևանքով տուժածներին:

Ինչպես «Հայերն այսօր»-ին Նոր Ջուղայից հայտնում է Երանուշ Թահմազյանը, նախատեսված սննդամթերքների, հագուստների և այլ անհրաժեշտ պարագանների  փաթեթավորման և աղետի գոտի առաքելու նպատակով Սպահանի «Բարեկեցություն» կազմակերպությանը հանձնելու գործին համագործակցություն ցուցաբերեցին  անդամուհիներն  ու  միության մի շարք բարեկամներ:

Նշենք նաև, որ  այս առիթով Կանանց գթության միություն է այցելել Սպահանի Հայոց թեմի առաջնորդ Տ. Սիփան ծայրագույն վարդապետ Քեչեջյանը, որը բարձր  գնահատելով նախաձեռնությունը՝ հաջողություն է մաղթել միությանը`  աստվածահաճո աշխատանքներ կատարելու առումով:

Հավելենք նաև,  որ նոյեմբերի 16-ին  միությունը  ստացել է  օժանդակություններ` հայ և պարսիկ հայրենակիցներից, որոնք կառաքվեն աղետի վայր: