Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ Մայր Աթոռ Սուրբ Էջմիածնի միաբան Հոգեշնորհ Տ. Գաբրիել վարդապետ Սարգսյանը, ազատվելով Եգիպտոսի հայոց թեմում ստանձնած իր պարտականություններից, ծառայության է կոչվել Իրաքի հայոց թեմում՝ թեմակալ առաջնորդի իշխանության ներքո: Այս մասին տեղեկացնում են Մայր Աթոռի լրատվական ծառայությունից: