Թուրք մամուլէն կը տեղեկանանք, թէ Պոլսոյ՝ երբեմնի ֆրանսական թեքումով հանրածանօթ Կալաթասարայ լիսէին մէջ ուսանիլը այսուհետեւ երազ մը կը դառնայ հայ եւ հրեայ (Պոլիս մնացած՝ ոչ-մահմետական գլխաւոր երկու փոքրամասնութիւնները) աշակերտութեան համար: Պատճառը մուտքի քննութեանց մէջ կրօնական՝ Իսլամի վերաբերող հարցումներու ներգրաւումն է: Արդէն, առաջին փորձառութիւն մըն ալ եղած է, եւ առջի շաբաթ տեղի ունեցած քննութիւններուն՝ կրօնական խորքով հարցումները մեծ անհաւասարութիւններ ստեղծած են մահմետական եւ ոչ-մահմետական թեկնածուներուն միջեւ:

«Նոր Յառաջ»