Ֆրանսիայում հունիսի 18-ին տեղի է ունեցել երկրիխորհրդարանի՝ Ազգային ժողովի ընտրությունների երկրորդ փուլը, որի արդյունքում 3 հայեր ընտրվել են պատգամավոր, գրում է Արցախպրեսը:

Փարիզի արվարձան Սեն Կլուում հաղթանակ է տարել Ժակ Մարիլոսյանը, որը ներկայացնում է երկրի նախագահ Էմանուել Մակրոնի «Հառաջ Հանրապետություն» կուսակցությունը:

Մարիլոսյանն ստացել է 50,42 տոկոս ձայն, մինչդեռ Հանրապետականների թեկնածու Էրիկ Բերդոատին ստացել է 49,58 տոկոս ձայն:

Էր եւ Լուար դեպարտամենտի (Ֆրանսիայի կենտրոնական մասի հյուսիսում) առաջին օկրուգում հաղթանակ է տարել երկրի նախագահ Էմանուել Մակրոնի «Հառաջ Հանրապետություն» (La République en marche) կուսակցության ներկայացուցիչ Գիյոմ Կասբարյանը: Նա ստացել է ձայների 55 տոկոսը: Հանրապետական Ֆրանկ Մասելուսը հավաքել է ձայների 44 տոկոսը:

Բացի այդ, Ֆրանսիայի խորհրդարանական երկրորդ փուլում հաղթանակ է տարել նաեւ հայ Դանիել Կազարյանը:

Հիշեցնենք, որ Հինգերորդ Հանրապետության քաղաքացիները ընտրում էին առաջիկա հինգ տարվա պատգամավորներին։