Երաժշտական փառատոն Ակտոբեում ՝ նվիրված Առնո Բաբաջանյանին

«Հայերն այսօր»-ի փոխանցմամբ՝ մայիսի 19-ին Ակտոբեում «ՈՒրարտու» հայկական մշակութային կենտրոնի նախագահ Հայկ Տերտերյանի նախաձեռնությամբ կազմակերպվել է երաժշտական փառատոն՝ նվիրված Առնո Բաբաջանյանի ծննդյան 96-ամյակին, որին մասնակցել են Ղազախստանում ՀՀ դեսպան Արա Սահակյանը, ինչպես նաև ներկայացուցիչներ Ղազախստանի տարբեր մարզերի հայկական համայնքներից։ Նախօրեին Ղազախստանի Рика ТВ հեռուստատեսությամբ միջոցառման, ինչպես նաև հայ-ղազախական հարաբերությունների մասին ելույթ է ունեցել դեսպան Արա Սահակյանը։
Փառատոնը լայն արձագանք էր գտել Ղազախստանում։ Ասվածի վառ ապացույցն է այն, որ մասնակիցների թվում էին ազգությամբ ղազախ 21 երաժիշտներ՝ դաշնամուր, ջութակ. վոկալ։
Արդեն ձևավորված ավանդույթի համաձայն՝ օրն սկսվեց Ռուսական եկեղեցու բակում տեղադրված Հայկական խաչքարի մոտ և Ակտովում 1937 թ. քաղաքական հալածանքների ու բռնաճնշումների զոհ դարձած հարյուրավոր մարդկանց գնդակահարության վայրում անմեղ նահատակների հիշատակին հարգանքի տուրք մատուցելուց։ Դեսպանն ու համայնքի ներկայացուցիդները ծաղիկներ խոնարհեցին, ծառեր տնկեցին հուշարձանի մոտ։ Ծրագիրը ներառում էր նաև հանդիպում ՂՀ Ակտյուբինսկի մարզպետի հետ։
Փառատոնը մեծ ոգևորություն էր առաջացրել մարզում, որն ի դեպ զբաղեցնում է 300 հզ կմ տարածք, ինչը 10 անգամ մեծ է ՀՀ տարածքից և իր չափերով հավասար է պատմական Հայաստանի տարածքին։ Այստեղ կա ստավաթիվ և կազմակերպված հայկական համայնք։
Նմանօրինակ նախաձեռնությունները նպաստում են հայ-ղազախական բարեկամության ամրապնդմանն ու խորացմանը, քանի որ արվեստը մերձեցնում և միավորում է մարդկանց։