14/12/2016   Սփյուռք   No comments

Լեհաստանում բացվել է հայկական մշակույթին նվիրված ցուցահանդես

Դեկտեմբերի 6-ին Լեհաստանի Կիելց քաղաքի Ազգային թանգարանի միջմշակութային երկխոսության բաժնում բացվել է «Հայկական արվեստանոց–մանրուքների արվեստը» խորագրով ցուցահանդեսը: Կազմակերպիչն ու նախաձեռնողն է թանգարանի պատմության բաժնի ղեկավար ու հայ մշակույթի մեծ սիրահար Պավել Գժեշիկը:

Ինչպես հաղորդում է «Հայերն այսօր»-ը՝ ցուցահանդեսում ներկայացված են հայկական մշակույթը խորհրդանշող ինքնատիպ նմուշներ` գորգեր, գոտիներ, զենքեր, հին ձեռագրեր և հայատառ գրություններ, ինչպես նաև՝ հայկական միջնադարյան ճարտարապետությանը նվիրված լուսանկարներ, որոնք Պավել Գժեշիկն անձամբ է արել Հայաստանում:

Ցուցադրվող նմուշները հավաքված են Կիելցի և Կրակովի ազգային թանգարաններից, Վարշավայի Թագավորական ամրոցից և Ազգային գրադարանից, ինչպես նաև՝ Վարշավայում Լեհահայերի մշակույթի և ժառանգության հիմնադրամից:

Պավել Գժեշիկի խոսքերով՝ հայկական պատմությունն ու մշակույթը շատ հարուստ է և ինքնատիպ, որն իր ազդեցությունն է թողել նաև լեհական մշակույթի վրա: «Հայկական արվեստանոց–մանրուքների արվեստը» խորագրով ցուցահանդեսով թանգարանի պատմության բաժնի ղեկավարը ցանկացել է այցելուներին հաղորդակից դարձնել հայկական արվեստին ու մշակույթին:

«Հայկական արվեստանոց–մանրուքների արվեստը» ցուցահանդեսը կգործի մինչև 2017թ.-ի մարտի 12-ը:

%d5%ac%d5%a5%d5%b0%d5%a1%d5%bd%d5%bf%d5%a1%d5%b6%d5%ac%d5%a5%d5%b0%d5%a1%d5%bd%d5%bf%d5%a1%d5%b61%d5%ac%d5%a5%d5%b0%d5%a1%d5%bd%d5%bf%d5%a1%d5%b62%d5%ac%d5%a5%d5%b0%d5%a1%d5%bd%d5%bf%d5%a1%d5%b63%d5%ac%d5%a5%d5%b0%d5%a1%d5%bd%d5%bf%d5%a1%d5%b64%d5%ac%d5%a5%d5%b0%d5%a1%d5%bd%d5%bf%d5%a1%d5%b65 %d5%ac%d5%a5%d5%b0%d5%a1%d5%bd%d5%bf%d5%a1%d5%b66%d5%ac%d5%a5%d5%b0%d5%a1%d5%bd%d5%bf%d5%a1%d5%b67 %d5%ac%d5%a5%d5%b0%d5%a1%d5%bd%d5%bf%d5%a1%d5%b68 %d5%ac%d5%a5%d5%b0%d5%a1%d5%bd%d5%bf%d5%a1%d5%b69

 

No related posts.

Scroll Up