Նոյեմբերի 21-ին ՀՀ սփյուռքի նախարարությունում նախարար Հրանուշ Հակոբյանի ղեկավարությամբ տեղի ունեցավ խորհրդակցություն, որին մասնակցում էին նախարարի տեղակալներ Սերժ Սրապիոնյանը և Վահագն Մելիքյանը, «Հայրենիք-Սփյուռք կենտրոն» ՊՈԱԿ-ի, «Իմ Հայաստան» փառատոնի, «Հայերն այսօր» էլեկտրոնային պարբերականի և կառուցվածքային ստորաբաժանումների ղեկավարները:

Նախարարը կարևորեց տարվա ընթացքում իրականացված աշխատանքների ամփոփումը և հաշվետվությունների ժամանակին ու պատշաճ ներկայացումը, դրանց հանրային իրազեկումը:

Առաջիկա շաբաթվա գլխավոր թեմա ընտրվեց «Դու ի՞նչ ես անում Ղարաբաղի համար» համահայկական շարժումը և կարևորվեց դրա պատշաճ լուսաբանումը:

Կառուցվածքային ստորաբաժանումների ղեկավարները ներկայացրին շաբաթվա ընթացքում կատարված ընթացիկ աշխատանքները և իրականացված միջոցառումները, նշեցին առաջիկա անելիքները:

Գերատեսչության ղեկավարը հանձնարարեց առավել հետևողականորեն կազմակերպել և տարածել «Դու ի՞նչ ես անում Ղարաբաղի համար» շարժումը, լայնորեն լուսաբանել դրա շրջանակներում Սփյուռքի համայնքներում իրականացվող միջոցառումներն ու նախարարության իրականացրած աշխատանքները, շաբաթվա վերջում ամփոփել և ներկայացնել ՀՀ կառավարության Տեղեկատվական, վերլուծական կենտրոնին:

Նախարարն առանձնակի կարևորեց գերակա խնդիրների լուծման ուղղությամբ իրականացվող աշխատանքները հետևողականորեն իրականացնելը:

Տրվեցին նոր հանձնարարականներ, նշանակվեցին պատասխանատուներ ու համակարգողներ:

 Շաբաթվա տեղեկատվ 14-19