Արևմտահայերեն
Русский
EnglishԼիբանանում ՀՀ դեսպանը բարձր է գնահատել Համազգային վարչության գործունեությունը
Լիբանանի համազգային վարչության անդամները հանդիպել են Լիբանանում ՀՀ արտակարգ և լիազոր դեսպան Սամվել Մկրտչյանի հետ:
Համազգայինի Լիբանանի Շրջանային վարչութիւնը, ծանօթացման հանդիպումներու ծիրին մէջ, անցնող շաբաթ տեսակցութիւն մը ունեցաւ Լիբանանի մէջ Հայաստանի Հանրապետութեան արտակարգ եւ լիազօր դեսպան Սամուէլ Մկրտչեանի հետ:
Ներկայացուեցան վարչութեանս աշխատանքային դաշտն ու մօտիկ ապագայի ծրագիրները, Պուրճ Համուտի «Լեւոն Շանթ» եւ Անթիլիասի «Ժ. եւ Ց. Խաչատուրեան» կեդրոններուն մէջ գործող Համազգայինի գեղարուեստի դպրոցներուն գործունէութիւնը, ինչպէս նաեւ միութեանս դիմագրաւած դժուարութիւնները:
Դեսպան Մկրտչեան մեծապէս գնահատեց Համազգայինի ազգանուէր գործունէութիւնը եւ յայտնեց իր զօրակցութիւնը` յաջողութիւն մաղթելով նորակազմ վարչութեան:
Այս առիթով ան միութեանս յանձնեց շնորհակալագիր մը, ուր իր գնահատանքը կը յայտնէր Լիբանանի հարաւային Շամա շրջանը հաստատուած ՖԻՆԻՒԼ-ի ուժերու «Արեւմտեան հատուած»-ի կեդրոնատեղիին մէջ 23 սեպտեմբերին տեղի ունեցած Հայաստանի անկախութեան 25-ամեակին նուիրուած նախաձեռնութեան` Համազգայինի դհոլահարներու խումբին ունեցած ոգեւորիչ ելոյթին համար:
