Կոմիտասի թանգարան-ինստիտուտում կբացվի Հայաստանի անկախության 25-ամյակին նվիրված ցուցադրություն
![](https://old.hayernaysor.am/wp-content/uploads/2016/09/Կոմիտասի-թանգարան.jpg)
Կոմիտասի թանգարան-ինստիտուտում սեպտեմբերի 19-ին` ժամը 17:00-ին, տեղի կունենա «Կուտինայի հայկական ուհախճապակ արվեստը» ժամանակավոր ցուցադրության բացումը՝ նվիրված Հայաստանի Հանրապետության անկախության 25 ամյակին: Ինչպես փոխանցում է «Արմենպրես»-ը, միջոցառմանը ներկա կլինի նաև ՀՀ մշակույթի նախարար Հասմիկ Պողոսյանը:
Կուտինայի հայկական հախճապակու արվեստը (տասնվեցերորդ դարի սկզբից ﬕնչև քսաներորդ դարի սկիզբ) դրոշմված է առանձին գեղարվեստական ինքնատիպությամբ և ստեղծագործականությամբ։ Կուտինայի հախճապակու արդյունաբերությունը ծաղկեց ավելի քան չորս դարերի ընթացքում, և այսօր Կուտինայի հախճապակու բազմաթիվ նմուշներ պահվում են մասնավոր և հանրային տարբեր ﬕջազգային հավաքածուներում: Այս ցուցադրության նպատակն է նպաստել Կուտինայի հայկական հախճապակու դարավոր ավանդույթի հետազոտմանը և հանրահռչակմանը։ Հախճապակե նմուշները, որոնք ցուցադրված են թանգարանում փոխառնված են Հայաստանի երկու պետական թանգարանների հավաքածուներից (Մայր Աթոռ Սուրբ Էջﬕածնից և Սարդարապատի հերոսամարտի հուշահամալիր. Հայոց ազգագրության և ազատագրական պայքարի պատմության ազգային թանգարանից) և երկու մասնավոր հավաքածուներից (Գարագաշեան և Մինասեան ընտանիքների)։
Ցուցադրությունը կգործի սեպտեմբերի 20-ից դեկտեմբերի 20-ը աﬔն օր` բացի չորեքշաբթի օրվանից։