Ֆրանսահայ լեգենդար երգիչ Շառլ Ազնավուրը կոչ է անում մերօրյա հերոսների թեկնածությունը առաջադրել «Ավրորա» մարդասիրական 2017 թ․ մրցանակին:

Այս մասին Ազնավուրը տեսանյութ է հրապարակել իր ֆեյսբուքյան էջում:

Հավելենք, որ  «Ավրորաա» մարդասիրական մրցանակի թեկնածուների առաջադրումները սկսվել է հունիսի 1-ից և կշարունակվի  մինչև սեպտեմբերի 9-ը:

«Ավրորա» մրցանակը նպատակ ունի ճանաչման արժանացնելու  նրանց, որոնք վտանգի են ենթարկում սեփական կյանքը, առողջությունը, ազատությունը, որպեսզի փրկեն և օգնություն ցուցաբերեն այն մարդկանց, որոնք տառապում են մերօրյա ողբերգությունների, հատկապես՝ մարդածին աղետների ու մարդկայնության դեմ իրականացվող հանցագործությունների հետևանքով։

«Ավրորա» հիմնել են 100 LIVES նախաձեռնության հիմնադիրները:  «Ավրորա» մրցանակը շնորհվում է Հայոց ցեղասպանությունը վերապրածների անունից` ի երախտագիտություն նրանց փրկողների:

«Ավրորա» համաշխարհային մարդասիրական ամենամյա երկրորդ մրցանակը կշնորհվի 2017 թվականի ապրիլի 24-ին Երևանում։