Ջերմորեն ողջունելով հյուրին՝ նախարարը կարևորեց Հայրենիքի համար այս ծանր պահին, սփյուռքյան համայնքների հոգևոր առաջնորդների այցերը Արցախ: Նա նշեց, որ ապրիլի 13-ին իրենց ներկայությամբ և խոսքով  բացառիկ ոգևորություն և ոգեղեն զորություն հաղորդեցին զինվորներին հայոց երկու հայրապետները՝ Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսը և Ն․Ս․Օ․Տ․Տ․ Արամ Ա Մեծի Տանն Կիլիկիո Կաթողիկոսը:

 Սեպուհ արք. Սարգսյանը ներկայացրեց քառօրյա պատերազմի ընթացքում և դրան հաջորդած օրերին համայնքում կազմակերպված ձենարկները և, մասնաորապես հոգևոր արարողությունները, համայնքի վերազարթոնքը և նշեց, որ Արցախ կատարած իր այցելությունը, Արցախի Նախագահ Բակո Սահակյանի, այնուհետև սահմանին զինվորների հետ հանդիպումները, շատ բան են փոխել իր խորքում և առանձնակի վստահությամբ ու հավատով է լցվել վաղվա օրվա հանդեպ:

 Թեհրանի Հայոց թեմի առաջնորդը աղոթել է զինվորների անվտանգ ու ապահով ծառայության համար և իր ու համայնքի զորակցությունն է հայտնել նրանց՝ իր հետ տանելով արցախահայության անկոտրում կամքն ու քաջարի ոգին:

 Քննարկվեցին համայնքին առնչվող խնդիրներ: