Ակնալճի Արա Հարությունյանի անվան միջնակարգ դպրոցում տեղի ունեցավ բաց դաս-միջոցառում «Սևրից մինչև Լոզան» թեմայով, որը նվիրված էր ՀՀ սփյուռքի նախարարության «Մեր մեծերը» ծրագրում ներառված Ավետիս Ահարոնյանի 150-ամյակին:

Այս դասի ընթացքում արդիական հնչեղություն է հաղորդվում տարբեր միջազգային ատյաններում Սևրի պայմանագրի արծարծման հարցին: Դասի բուն նպատակն է` ներկայացնել Փարիզում ՀՀ ազգային պատվիրակությունների գործունեությունը, Սևրի պայմանագիրը և ԱՄՆ նախագա Վ. Վիլսոնի  հայանպաստ գործունեությունը, արդիական և հրատապ դարձնել  նրա գծած Հայաստանի սահմանների հարցը: Սակայն մեծ տերությունների  դիվանագիտական խաղերի հետևանքով  Սևրի պայմանագիրը այդպես էլ  չիրականացվեց, և պատմական Հայաստանի վերականգնման հարցը մնաց որպես զուտ երազանք:

Դասի ավարտին ուսուցչուհին դասը եզրափակում էր Ավետիս Ահարոնյանի  խոսքերով .

«Պատմության սխալններն ուղղելու ելք չկա, և  այդ ելքը Հայոց միությունն է, հարատևման դժվարին ճանապարհի հաղթահարումը»: