Լեռնային Ղարաբաղի հակամարտության կարգավորման բանակցային գործընթացի գլխավոր էությունն այն է, որ Ղարաբաղը երբեք չի կարող լինել Ադրբեջանի կազմում: Սա կարﬕր թելով անցնում է բոլոր փաստաթղթերի ﬕջով: Ինչպես հաղորդում է «Արﬔնպրես»-ը, այս մասին Հանրային հեռուստաընկերությանը տված հարցազրույցում հայտարարեց ՀՀ արտաքին գործերի նախարար Էդվարդ Նալբանդյանը:

«Ասել, որ բանակցային սեղանին հայտնված փաստաթուղթն այդքան էլ շահեկան չէ հայկական կողﬕ համար, իսկ Ադրբեջանը ստիպված ռազմական գործողություններ է սկսում, ﬕ փոքր տարօրինակ է հնչում: Դա դիլետանտիզմ է»,- նշեց նախարարը: Նալբանդյանը, որոշակի մանրամասներ ներկայացնելով բանակցային գործընթացից, նշեց, որ աշխատանքային փաստաթուղթ հաշվվում է այն փաստաթուղթը, որը եղել է կողﬔրի ﬕջև քննարկման առարկա: Այդպիսի բազմաթիվ փաստաթղթեր են եղել, և երբ դրանց շուրջ բանակցությունները չեն հաջողվել, դրանք փակ փաթեթով հանձնվել են ի պահ Վիեննայում ԵԱՀԿ-ի գլխավոր գրասենյակին:

«Գիտե՞ք, որ փաստաթուղթը տրված չէ ի պահ Վիեննայում, Կազանի փաստաթուղթը: Ուրեﬓ համապատասխան ﬓացած բոլոր ﬔկնաբանություններն ավելորդ են: Կան տարբեր գաղափարներ, բայց հեծանիվ հնարելու պատճառ չկա: Հայտնի են սկզբունքները և հայտնի են տարրերը»,- ընդգծեց ՀՀ ԱԳ նախարարը: Հարցին, թե Ղարաբաղն Ադրբեջանի կազմում երբեք չլինելու դրույթից հնարավոր է որևէ հետքայլ, Նալբանդյանը պատասխանեց, որ .«Եթե հասարակությունը սրանից հետ քայլ չի կարող անել, ապա ոչ ոք չի կարող անել»:

Էդվարդ Նալբանդյանը նաև կարծիք հայտնեց, որ պետք է շարունակել բանակցությունները և բացառապես խաղաղ ճանապարհով գտնել հիﬓախնդրի կարգավորման հնարավորությունը: «Կարծում եմ այդ հնարավորությունն առկա է»,- նշեց նա: Նախարարի խոսքով` որևէ ռազմական գործողություն, որևէ պատերազմ հարցերը չի կարող լուծել: «Բոլոր ռազմական գործողություններից հետո ամբողջ պատմության ընթացքում կողﬔրը վերադառնում են բանակցային սեղանին և նորից սկսում են բանակցությունները: Որևէ ﬔկը կարիք չունի ռազմական նոր գործողությունների, նոր պատերազﬓերի»,- ամփոփեց ՀՀ արտաքին քաղաքական գերատեսչության ղեկավարը: